შაბათს, 28 სექტემბერს, ილიაუნი მორიგ სამეცნიერო პიკნის გამართავს.

ილიას სახელმწიფო უნივერსიტეტისა და თბილისის მუნიციპალიტეტის მულტიფუნქციური ბიბლიოთეკების გაერთიანების თანამშრომლობის ფარგლებში ილიაუნის სამეცნიერო პიკნიკზე ვაკის მედიათეკაში გექნებათ შესაძლებლობა დაესწროთ საინტერესო ლექციებს.
13:00-14:30 – შეძლებთ დაესწროთ ილიაუნის პროფესორების, მაია თოდუას, გია ჯავახიშვილის, ანდრია როგავას და ჯუანშერ ჯეჯელავას სამეცნიერო პოპულარულს ლექციებს ჩვენი სამყაროს საიდუმლოებების შესახებ .

პიკნიკის ფარგლებში შეგიძლიათ ესტუმროთ ილიაუნის ასტრონომიის კარავს, სადაც შეძლებთ:
● ტელესკოპით დააკვირდეთ მზის ზედაპირს და გააკეთოთ მზის ლაქების ჩანახატები;
● პრიზმაში სინათლის გარდატეხის საშუალებით გაიგოთ მეტი სინათლის ბუნებისა და სპექტრული ანალიზის შესახებ;

● ნახოთ ვიდეოპრეზენტაციები თანამედროვე ასტროფიზიკურ მიღწევებზე;
● დაათვალიეროთ ხელნაკეთი ტელესკოპები და გაეცნოთ მათი აწყობის პრინციპს;
● გაეცნოთ მზის სისტემის პლანეტარულ მოდელს, დააკვირდეთ პლანეტების მოძრაობას და გაიგოთ მათი ბუნების შესახებ;
● სასწავლო ცის რუკის მეშვეობით გაიგოთ მეტი ცაში მიმდინარე პროცესებზე, ჩვენს გალაქტიკასა და დედამიწის მდებარეობაზე.